百年老店ＨＭＶ破產，Steve Jobs係「幫兇」？

開業近百年嘅唱片連鎖店ＨＭＶ，最終不敵巿場轉型，最終申請破產
收場，令一班愛音樂嘅朋友晴天霹靂。
　　據稱ＨＭＶ喺搵到新買家前，將會繼續做生意，但諗唔到一間創自１９２１年，發源於
「米字國」、鼎盛時期全球擁逾３００分店嘅「金漆招牌」，都要黯然離場，確令人神傷。
　　「那些年」，ＨＭＶ貴為唱片鋪龍頭，筆者剛出來社會工作，以儲到錢去ＨＭＶ買
ＣＤ為榮；「這些年」，開部電話督兩督就有得聽。「那些年」，一隻碟翻聽又翻聽；「這些年 」，ＭＰ３聽完即棄、眼也不回，不禁令人有少少唏噓。
　　雖然喬布斯生前擁唔少大發明，但同時亦將唔少產業加速衰亡。就好似ｉＴｕｎｅｓ咁，又
賣歌、又賣電影，唔洗郁就得到娛樂；而家媒體公司索尼、環球都諗住自組網上影片頻道搵銀，
實行「肥水不流別人田」，就知巿場大方向已經改變。與其話ＨＭＶ敵唔過時間嘅洪流，倒不如 話佢已經完成咗歷史嘅任務吧。

 首間HMV早於1921年在倫敦牛津街開設，業務歷史悠久。可是，隨著互聯網的興起及行內競爭，雖然這所巨型影音零售商曾經出售一些影音周邊產品，如耳筒和相機等，以開拓更多產品類別、增加收入來源，可惜轉型失敗。早前，HMV有機會藉主要競爭對手、大型超級市場Woolworths 倒閉，而挽救垂險的業務。可是，歐洲經濟仍然低迷。傳統上聖誕節本為影音唱片銷售的高峰，但上月該公司的報告指出其總營業額下跌了13.5%，營運虧損截 至2012年10月27日更達2,400萬英磅，根本無力挽救業務。其合作伙伴相機零售商Jessops更於上星期五倒閉，並關閉187間分店及裁去 1300多名員工。

 現時，HMV在英國、愛爾蘭、香港、新加坡等地開設超過250間分店。倘若HMV要清盤的話，估計最少超過4,000名員工將會失業。